Otashin Muhabbat 1992 Hind kino

Film haqida qisqacha: Film qahramonlaridan biri – Radja – Bombay shahrining shovqinidan yiroqda joylashgan fermada yashovchi oddiy dehqon. U butun e’tiborini avtohalokatda ota-onasidan ayrilgan uchta jiyanlari – Dabbu, Motu va Chxotiga qaratadi. Radjaning haddan tashqari g‘amxo‘rligi tufayli bolalar itoatsiz bo‘lib ulg‘ayadi.

Renu – boy hindistonlik ayol, Amerikadan o‘zining meros hujjatlarini rasmiylashtirish uchun vatanga qaytgan. Uning ota-onasi vafot etganidan so‘ng qolgan mulkni tog‘asi Bhagavati Prasad boshqarib kelgan. Renu yo‘qligida tog‘asi qimor o‘yinida katta pul yutqazib qo‘ygan va qarzga botgan. U jiyanining merosidan foydalanib ahvolini tuzatmoqchi bo‘ladi, chunki Renu tez orada yana ketadi deb o‘ylagan. Ammo advokat Renuga hisob-kitob hujjatlarini tekshirishni maslahat beradi va Renu tog‘asining firibgarligini fosh qiladi. Buni yashirishni istagan Bhagavati Prasad unga sayr uchun mo‘ljallangan qayiqni buzib, undan qutulishga qaror qiladi. Biroq Renuni baliqchilar qutqarib qolishadi, lekin u xotirasini yo‘qotadi.

U politsiya bo‘limiga tushib qoladi va o‘zining injiqliklari bilan barchani charchatib yuboradi. Natijada undan tezroq qutulish yo‘llarini izlay boshlashadi. Shu payt Radj paydo bo‘lib, Renuni o‘zining rafiqasi deb tan oladi – u bu bilan takabbur boy ayolni jazolamoqchi edi, chunki uning aybi bilan Radj bir kechani hibsxonada o‘tkazgan va bu birinchi marta emas edi – u Renudan anchadan beri asabiylashardi.